За книгата

Во деведесеттите години, за време на војната во Босна, нашиот татко остана заглавен во Сараево, додека мајка ми, мојот брат Коста и јас успеавме да избегаме во Србија. И покрај тешката ситуација, нашиот татко ни праќаше писма – духовити, позитивни и полни со цртежи.

Десетина години подоцна, „Завод за уџбенике“ ја објави книгата составена од избрани оригинални писма на мојот татко и од одговорите што Коста ги запишуваше во тетратка.

Заедно, тие раскажуваат една малку поинаква и поведра приказна за војната.

За сајтот

Сајтот е направен затоа што сакавме оваа приказна да ја споделиме со сите.

Тешко е верно да се пренесе книга од ваква форма на веб-сајт. Направив најдобро што можев, но сепак Ви препорачувам Писмата да ги гледате на малку поголеми екрани, а не на телефон.

Голема благодарност и на моите колеги Фелипе и Ана, кои го преведоа сајтот на бразилски португалски.

Целата содржина и кодот на сајтот се достапни на GitHub под лиценцата CC BY-NC 4.0.

Цртежи

За жал, оригиналните писма со текот на времето се загубија и ни останаа само дигиталните верзии, и тоа лошо скенирани. Затоа должиме голема благодарност на мојот пријател Иван Недељковиќ, кој ги нацрта одново сите цртежи и ги дигитализираше врз основа на оригиналите.

Резултатот е фантастичен, а подолу можете да видите споредба на еден од оригиналните цртежи и верзијата на Иван.

Засега, ако сакате да помогнете книгата да се преведе на уште некој јазик или да дадете сугестија, Ве молам да го направите тоа на GitHub, така што овде ќе креирате нов Issue.

Ви благодариме за интересот!